နာမက္ခရဆန်း နာမည် အဟောကျမ်းကြီး-အပိုင်း(၉)

၄၆။ ၀ဏ္ဏဆိုတာ ဘယ်ကလာ

ယောဇနာ ၃ ပါး

၁။ ဥပရသည် ကောင်းမြတ်သော သဘောဖြစ်၍ ဣဋ္ဌကို နှစ်သက်၏။
၂။ မဇ္ဈသည် အလတ်စားကောင်းသော သဘောဖြစ်၍ ဣဋ္ဌ၊ အနိဋ္ဌ နှစ်မျိုးလုံးကို နှစ်သက်၏။
၃။ ဟေဋ္ဌသည် ကောင်းမြတ်သော သဘောမှ ယုတ်လျော့ခြင်း ဖြစ်၍ အနိဋ္ဌကို နှစ်သက်၏။

လူတို့သည် အဓိက အသားရောင် ၅ မျိုးရှိ၏။

၁။ အသားအဖြူရောင်သည် ဣဋ္ဌ ကိုနှစ်သက်၏။
၂။ အသား ၀ါရောင်သည် ဣဋ္ဌ ကို နှစ်သက်၏
၃။ အသားလတ်ရောင်သည် ဣဋ္ဌ၊ အနိဋ္ဌ ၂ မျိုးလုံးကို နှစ်သက်၏။
၎။ အသားအညိုရောင်သည် အနိဋ္ဌ ကိုနှစ်သက်၏။
၅။ အသားမည်းရောင်သည် အနိဋ္ဌ ကို နှစ်သက်၏။



၁။ ဥပရ ပထမအက္ခရာ က၊ စ၊ ဋ၊ တ၊ ပ၊ ယ ခြောက်လုံးတို့သည် အသားအဖြူရောင်ကို နှစ်သက်၏။
ဥပရ ဒုတိယ အက္ခရာ ခ၊ ဆ၊ ဌ၊ ထ၊ ဖ၊ ရ၊ သ ခုနှစ်လုံးတို့သည် အသားအ၀ါရောင်ကို နှစ်သက်၏။

၂။ မေဇ္ဈအက္ခရာ ဂ၊ ဇ၊ ဍ၊ ဒ၊ ဗ၊ ဠ၊ အ ခုနစ်လုံးတို့သည် အသားလတ်ရောင်ကို နှစ်သက်၏။

၃။ ဟေဋ္ဌ ပထမ အက္ခရာ ဃ၊ ဈ၊ ဎ၊ ဓ၊ ဘ၊ လ၊ ဟ ခုနစ်လုံးတို့သည် အသားအညိုရောင်ကို နှစ်သက်၏။
ဟေဋ္ဌ ဒုတိယ အက္ခရာ င၊ ည၊ ဏ၊ န၊ မ၊ ၀၊ ခြောက်လုံးတို့သည် အသားမည်းရောင်ကို နှစ်သက်၏။

၁။ ဥပရ အက္ခရာသည် ကောင်းမြတ်သော သဘောရှိ၏။ ကောင်းမှု၌ ပျော်ပါးတတ်ခြင်း၊ သနားကြင်နာမှုများခြင်း၊ အေးဆေးစွာ နေလိုခြင်း၊ ဣဋ္ဌသဘောဖြင့် ကျော်စောခြင်း သဘောရှိ၏။

၂။ မဇ္ဈအက္ခရာများသည် အလတ်စား ကောင်းသော သဘောရှိ၍ ကောင်းဆိုးနှစ်တန်ကို နှစ်သက်၏။ အရာရာကို ၀ါသနာပါခြင်း၊ အပေါင်းအဖော်ကို ခင်မင်တွယ်တာခြင်း သဘောရှိ၏။ အသားဖြူလတ် ဖြစ်လျှင် ဣဋ္ဌသဘောဖြင့် ကျော်စောခြင်း သဘောရှိ၏။ အသားညိုလတ်ဖြစ်လျှင် အနိဋ္ဌ သဘောနှင့် ကျော်စောခြင်း သဘောရှိ၏။

၃။ ဟေဋ္ဌအက္ခရာများသည် မကောင်းသော သဘောရှိ၏။ မကောင်းမှု၌ ပျော်ပါးတတ်ခြင်း၊ အတိုက်အခံဖြင့် အောင်မြင်ခြင်း၊ လှုပ်ရှားမှုများခြင်း၊ တစ်ဇွတ်ထိုးလုပ်တတ်ခြင်း၊ အနိဋ္ဌသဘောဖြင့် ကျော်စောခြင်း သဘောရှိ၏။

မှတ်ချက်။ ။ ယောဇနာ ၃ ပါးကို ၀ဏ္ဏဟု အမည်ပြောင်း၍ သုံးနှုန်းထားခြင်းဖြစ်၏။ ယောဇနာ ၃ ပါးဟူသည် အက္ခရာ၏ အမည်ဖြစ်၏။ ၀ဏ္ဏဟူသည် အသားအရောင်၏ အမည်ဖြစ်၏။ ရှေ့ပိုင်း၌ ဖော်ပြခဲ့သာ ဣဋ္ဌ ၊ အနိဋ္ဌ ကို သတိပြုပါ။ဣဋ္ဌသည် ဣဋ္ဌ ၌ အကျိုးပြု၏။ အနိဋ္ဌသည် အနိဋ္ဌ၌ အကျိုးပြု၏။

ဆန်းဝင်ပုံနှင့် ဆန်ကျင်ပုံ
အကျိုးပြုသော သဘောကို ဆန်းဝင်၏ဟု မှတ်ပါ။
အကျိုးပျက်သော သဘောကို ဆန့်ကျင်၏ဟု မှတ်ပါ။

၄၇။ ၀ဏ္ဏမှန်မမှန် သိအောင်ကြံ
အက္ခရာနှင့် အသားအရောင် ညီညွှတ်လျှင် ( ၀ါ ) နာမည်နှင့် အသားအရောင် ညီလျှင် ၀ဏ္ဏမှန်၏။ ( ၀ါ ) ဆန်းဝင်၏။
အက္ခရာနှင့် အသားအရောင် မညီညွတ်လျှင် ( ၀ါ ) နာမည်နှင့် အသားအရောင် မညီလျှင် ၀ဏ္ဏမှား၏ (၀ါ ) ၀ဏ္ဏ ပျက်၏ ( ၀ါ ) ဆန့်ကျင်၏။

၁။ ဥ့ပရ ပထမအက္ခရာဖြင့် အမည်မှည့်လျှင် အသား အဖြူရောင် အ၀ါရောင်ရှိမှ ၀ဏ္ဏမှန်၏၊ ဆန်းဝင်၏။
အသားညိုလတ် အသားညို အသားမည်းလျှင် ၀ဏ္ဏ ပျက်၏။ဆန့်ကျင်၏။

၂။ ဥပရ ဒုတိယ အက္ခရာဖြင့် အမည်မှည့်လျှင် အသား အဖြူရောင်၊ အသားအ၀ါရောင်၊ အသားဖြူလတ်ရောင်ရှိမှ ၀ဏ္ဏမှန်၏။ ဆန်းဝင်၏။ အသားညိုလတ် အသားညို အသာမည်းလျှင် ၀ဏ္ဏပျက်၏။ ဆန့်ကျင်၏။

၃။ မဇ္ဈအက္ခရာဖြင့် အမည်မှည့်လျှင် အသားဝါ အသားဖြူလက် အသားညိုလတ် အသားညိုရောင်ရှိမှ ၀ဏ္ဏမှန်၏၊ ဆန်းဝင်၏။ အသားဖြူ၊ အသားမည်းလျှင် ၀ဏ္ဏပျက်၏၊ ဆန့်ကျင်၏။
၎။ ဟေဋ္ဌ ပထမအက္ခရာဖြင့် အမည်မှည့်လျှင် အသားညိုလတ် အသားညို အသားမည်းရောင်ရှိမှ ၀ဏ္ဏမှန်၏၊ ဆန်းဝင်၏ အသားဖြူ၊ အသားဝါ ၊ အသားဖြူလတ်လျှင် ၀ဏ္ဏပျက်၏၊ ဆန့်ကျင်၏။

၅။ ဟေဋ္ဌ ဒုတိယအက္ခရာဖြင့် အမည်မှည့်လျှင် အသားညို အသားမည်းရောင်ရှိမှ ၀ဏ္ဏမှန်၏၊ ဆန်းဝင်၏
အသားဖြူ၊ အသားဝါ ၊ အသားဖြူလတ်လျှင် ၀ဏ္ဏပျက်၏၊ ဆန့်ကျင်၏။

၄၈။ ကာလဒေသ ပုဂ္ဂလကို မသိတတ်သူ လူမိုက်ဟူ၏

ကာလဒေသ အပူပိုငးဒေသမှာ နေထိုင်ကြသော သူများသည် အသားညို ၊ အသားနီရောင် များ၏။ အအေးပိုင်း ဒေသမှာနေထိုင်ကြသော သူများသည် အသားဖြူလတ်ရောင် များ၏။

ထို့ကြောင့် အပူပိုင်းဒေသမှာ နေထိုင်ကြသော လူများကို အသားအရောင်လျှော့၍တိုင်းပါ၊အအေးပိုင်းမှာ နေထိုင်ကြသောလူများကို အသားအရောင် တိုး၍တိုင်းပါ။ သမပိုင်းဒေသမှာ နေထိုင်ကြသော လူများကို မှန်တန်းတိုင်းပါ။

ပုဂ္ဂလ မြန်မာပြည်၌ နေထိုင်ကြသော လူများတွင် တရုတ်၊ ကုလား၊ ကရင်၊ ကချင်၊ ရှမ်း စသော လူမျိုးများကို
အသားအရောင် တိုင်းတာရာ၌ လူမျိုးအလိုက် ဘာသာအလိုက် တိုင်းပါ။

နိုင်ငံအသီးသီးမှာလည်း နည်းတူ လူမျိုးအလိုက် ၊ ဒေသအလိုက်ကြည့်၍ တိုင်းပါ။ အသားအရောင် မမှန်သေးသော ကလေးများမှာ အမိအဖနှင့် မွေးဖွားရာဒေသကိုကြည့်ပြီး အသားအရောင်ကို တိုင်းသင့်ကြောင်း ဖော်ပြအပ်ပါသည်။

ဤနာမက္ခရဆန်း နာမည်အဟောကျမ်း၌
ယောဇနာ သုံးပါးသည် အရေးကြီးသော အပိုင်းကဏ္ဍ၌ ပါဝင်၏။ ထို့ကြောင့် နာမည်နှင့် အသားအရောင် မှန်ကန်ညီညွှတ်ဖို့ လိုအပ်ပေ၏။ နာမည်၏ အင်္ဂါ ၁၀ ပါးတွင် ယောဇနာ ၃ ပါးကို ၀ဏ္ဏဟု အမည်တစ်မျိုးတည်းဖြင့် သုံးနှုန်းထား၏။ ၀ဏ္ဏဟူသည် ဤယောဇနာ ၃ ပါးကိုပင် ခေါ်ဝေါ်ကြောင်း သိအပ်ပေ၏။
ဝဏ္ဏသည် စီးပွားရေးကို အဓိက ဟောပြောရမည် ဖြစ်၏။ အိမ်ထောင်ရေးနှင့် ဘုန်းကံကိုလည်း ဟောပြောနိုင်၏။

၁။ နာမည်နှင့် အသားအရောင် မှန်လျှင် ဆန်းဝင်သောကြောင့် စီးပွားရေးတိုးတက်အောင်မြင်ခြင်း၊ ပစ္စည်းဥစ္စာမြဲခြင်း၊ အကျင့်စာရိတ္တကောင်းခြင်း၊ အိမ်ထောင်ရေး သုခရှိခြင်း၊ ဘုန်းတန်ခိုးကြီးခြင်းကို ဖြစ်စေတတ်၏။

၂။ နာမည်နှင့် အသားအရောင် မမှန်လျှင် ဆန့်ကျင်သောကြောင့် စီးပွားရေး မကောင်းခြင်း၊ အပျက်အစီးများခြင်း၊ အကျင့်
စာရိတ္တပျက်ခြင်း၊ အိမ်ထောင်ရေး ဒုက္ခကြုံခြင်း၊ သူတစ်ပါး၏ သြဇာခံရခြင်းကို ဖြစ်စေတတ်၏။

ဝဏ္ဏ မှန် မမှန် တိုင်းရာ၌ -
နာမည်ကို အရင်းလုံး၊ အဖျားလုံးခွဲ၍ တိုင်းရမည် ဖြစ်၏။
နာမည်အရင်းလုံးသည် မိမိအတွက်ဖြစ်၍ မိမိ၏ စီးပွားရေး ၊ အိမ်ထောင်ရေး ဘုန်းကံနှင့် သက်ဆိုင်၏။

နာမည်အဖျားလုံးသည် သူ့အတွက်ဖြစ်၍ အိမ်ထောင်ဖက်ဖြစ်သော ဇနီးခင်ပွန်းသည် စီးပွားရေး ၊ အိမ်ထောင်ရေးနှင့် သက်ဆိုင်၏။
နာမည် ၂ လုံးစလုံးသည် နာမည်ပိုင်ဆိုင်သူနှင့် သက်ဆိုင်သော်လည်း နာမည်အဖျားလုံးမှာ အိမ်ထောင်ဖက်ကို တိုက်ရိုက်ဟောနိုင်ကြောင်း ဖော်ပြလိုက်ခြင်းဖြစ်သည်။

နာမည် ၁လုံးတည်း ရှိသူများမှာ ဤနာမည် ၁ လုံးကိုပင် မိမိအတွက် သူ့အတွက် ဟောရမည်။

နာမည် ၃ လုံး၊ ၄ လုံး ရှိသူများမှာ နာမည်အရင်းလုံးကို မိမိအတွက် ဟောပြော၍ နာမည်အဖျားလုံးကို အဆင့်ဆင့် ပထမ၊ ဒုတိယ သူ့အတွက် ဟောပြောနိုင်ပါသည်။ မထင်ရှားသောအမည်ကို ပယ်ရမည်ဟု မှတ်ပါ။

၄၉။ အက္ခ၇ာတို့၏ ဣဋ္ဌ အနိဋ္ဌ နှစ်သက်ပုံ

၁။ ဥပရအက္ခရာများသည် ကောင်းသော သဘောရှိ၍ ဣဋ္ဌကို နှစ်သက်၏။ နာမည် အရင်းလုံး၊ ဥပရအက္ခရာဖြစ်လျှင် မိမိတို့
ကိုးကွယ်ကြသော ဘာသာရေးအလုပ်၊ ကောင်းမြတ်သော အလုပ်မျိုးတို့ဖြင့် ကျော်စောထင်ရှားစေ၏။

၂။ ဟေဋ္ဌအက္ခရာများသည် မကောင်းသော သဘောရှိ၏။ အနိဋ္ဌကို နှစ်သက်၏။ နာမည်အရင်းလုံး ဟေဋ္ဌအက္ခရာဖြစ်လျှင်
အတိုက်အခံ၊ အပြိုင်အဆိုင်အလုပ်၊ မကောင်းသော အလုပ်မျိုးဖြင့် ကျော်စောထင်ရှားစေ၏။
ဥပရ အက္ခရာများသည် ကောင်းသောနေရာ၌ အထွတ်အထိပ်သို့ ရောက်နိုင်သလို….
ဟေဋ္ဌအက္ခရာများသည် မကောင်းသောနေရာ၌ အထွတ်အထိပ်သို့ ရောက်နိုင်၏ဟု မှတ်ပါ။

၃။ မဇ္ဈအက္ခရာများသည် အမည်မှည့်နည်းသော အက္ခရာ ဖြစ်၏။ ယင်းမဇ္ဈအက္ခရာများမှာ ဣဋ္ဌသဘော၊ အနိဋ္ဌသဘော၊ ရောနှောနေ၍ ကောင်းသော အကျိုးကိုလည်း အလယ်အလတ်သာ အကျိုးပေး၏။ အသားအရောင်ကိုလိုက်၍ ဣဋ္ဌသဘော အနိဋ္ဌသဘောကို နှစ်သက်မည် ဖြစ်၏။

၁။ ဥပရ အက္ခရာများသည် ၀ဏ္ဏမှန်လျှင် ဣဋ္ဌသဘောဖြင့် အကျိုးပြု၏။
၂။ ဥပရ အက္ခရာများသည် ၀ဏ္ဏပျက်လျှင် အနိဋ္ဌသဘောဖြင့် အကျိုးပြု၏။
၃။ မဇ္ဈ အက္ခရာများသည် ၀ဏ္ဏမှန်လျှင် ဣဋ္ဌသဘောဖြင့် အကျိုးပြု၏။
၎။ မဇ္ဈ အက္ခရာများသည် ၀ဏ္ဏပျက်လျှင် အနိဋ္ဌသဘောဖြင့် အကျိုးပြု၏။
၅။ ဟေဋ္ဌ အက္ခရာများသည် ၀ဏ္ဏမှန်လျှင် အနိဋ္ဌသဘောဖြင့် အကျိုးပြု၏။
၆။ ဟေဋ္ဌ အက္ခရာများသည် ၀ဏ္ဏပျက်လျှင် ဣဋ္ဌသဘောဖြင့် အကျိုးပြု၏။

ဝဏ္ဏသည် စီးပွားရေး သောချက်ဖြစ်၏။
နာမည်နှင့် အသားအရောင် ၀ဏ္ဏ မှန် မမှန်ကြည့်ရှု၍ အထက်ဖော်ပြပါ သော့ ၆ မျိုးတွင် အဘယ်သော့ဖြင့် ဖွင့်မှ ဘဘဏ္ဍာတိုက်ပွင့်မည်ကို အကြိမ်ကြိမ် စဉ်းစား၍ ဉာဏ်ကစားကြပါကုန်။


၅၀။ ဒြပ်၊ အရပ် အတို အရှည် ၊ အ၀ အပိန်၊ ဉာဏ် နှင့်ချိန်
ကာလ ၊ ဒေသ၊ ပုဂ္ဂလကိုမသိတတ်သူ လူမိုက်ဟူ၏။
နောက်ပိုင်းမှာ ဖော်ပြခဲ့ပြီးသော်လည်း ပို၍ထင်ရှား သဘောပေါက်ခြင်း အကျိုးငှာ ထပ်မံဖော်ပြလိုက်ပါသည်။
ဒေသ - အအေးပိုင်း ဒေသနှင့် အပူပိုင်းဒေသကို သိစေလိုပါသည်။ ( ၀ါ ) ဖော်ပြခဲ့ပြီးသော ကမ္ဘာပေါ်တွင် အအေးပိုင်းဇုန်၊ အပူပိုင်းဇုန်၊ သမပိုင်းဇုန်ကိုကြည့်၍….

အရပ်ရှည်၍ သန်မာ ထွားကျိုင်းသော ဒေသ။
အရပ်တို၍ ကြုံလှီသေးငယ်သော ဒေသ။
အရပ်မတိုမရှည် မျှတသော ဒေသကို သိရှိထားဖို့ လိုအပ်ပေ၏။

ကာလ = ဤ အချိန်ကာလသည် လူတို့၏ သက်တမ်းအားဖြင့် အသက်တမ်းရှည်၍ အရပ်ရှည်ပြီး သန်မာ ထွားကျိုင်းသော ကာလ။

သက်တမ်းတို၍ အရပ်တိုပြီး ကြုံလှီသေးငယ်သော ကာလကိုသိဖို့လိုအပ်၏။ နောက်နှစ်ပေါင်း ၁၀၀ ကျော်က လူတို့နှင့် ယခုခေတ်လူတို့သည် အရပ်ချင်း မတူကြသလို ရှေ့နှစ်ပေါင်း ၁၀၀ ကျော်လျှင်လည်း ပို၍ပင် အရပ်တိုလာမည်ကို သတိပြုသင့်ပါသည်။

ပုဂ္ဂလ = လူမျိုးဘာသာအားဖြင့်လည်း အရပ်ရှည်၍ သန်မာ ထွားကျိုင်းသော လူမျိုး၊ အရပ်တို၍ ကြုံလှီသေးငယ်သော လူမျိုးဟူ၍ ရှိပေ၏။
ထို့ကြောင့်ပုဂ္ဂလကိုလည်း ကြည့်ရမည်ဖြစ်၏။
အရပ်ရှည်သောလူမျိုး = ကာလ ဒေသတို့ကို နာမည်နှင့် အရပ်တိုင်းသောအခါ တိုး၍ တိုင်းရမည်။
အရပ်တိုသောလူမျိုး= ကာလ၊ ဒေသတို့ကို နာမည်နှင့် အရပ်တိုင်းသောအခါ လျှော့၍ တိုင်းရမည်။

အရပ်နှင့် နာမည် ဒြပ်ညီပုံ
မြန်မာပြည်မြေလတ်ပိုင်း မြန်မာလူမျိုးများကို နာမည်နှင့် အရပ် ညီ၊ မညီ ဒြပ်တိုင်းတာပုံကို ဖော်ပြလိုက်ပါသည်။
အမျိုးသားများသည် တစ်မတြာလျှင် အရပ် ၄ ပေမှ ၄ ပေခွဲ ဖြစ်သည်။
အမျိုးသမီးများသည် တစ်မတြာလျှင် အရပ် ၃ ပေခွဲ မှ ၄ ပေဖြစ်သည်။
တစ်မတြာလျှင် အရပ် ၆လက်မ အတိုးအဆုတ် ဖြစ်သည်။

မှတ်ချက်။ ။ ရဿ သံတိုသည် တစ်မတြာ ဖြစ်၏။
ဒီဃ သံရှည်သည် နှစ်မတြာဖြစ်၏။


အရပ်နှင့်နာမည်
၁။ ဦးပု တစ်မတြာ အရပ် ၄ ပေခွဲအတွင်း အရပ်ရှိရမည်။
၂။ ဦးမြိုင် နှစ်မတြာ အရပ် ၄ပေခွဲမှ ၅ပေအတွင်း အရပ်ရှိရမည်။
၃။ ဦးသိန်းမြင့် သုံးမတြာ အရပ် ၅ပေမှ ၅ပေခွဲအတွင်း အရပ်ရှိရမည်။
၎။ ဦးကျော်ဖေ လေးမတြာ အရပ် ၅ပေခွဲမှ ၆ပေအတွင်းအရပ်ရှိရမည်။
၅။ ဦးခင်မောင်ညွှန့် ငါးမတြာ အရပ် ၆ပေမှ ၆ပေခွဲအတွင်း ရှိရမည်။
၆။ ဦးတင်မောင်ထွန်း ခြောက်မတြာ အရပ် ၆ပေခွဲမှ ၇ ပေအတွင်း အရပ်ရှိရမည် စသည်ဖြင့် နာမည်နှင့် အရပ် ဒြပ်ညီအောင် အမည်ပေးရမည် ဖြစ်၏။


၁။ ဒေါ်ခ တစ်မတြာအရပ် ၃ ပေခွဲမှ ၄ ပေအတွင်း အရပ်ရှိရမည်။
၂။ ဒေါ်တင် နှစ်မတြာ အရပ် ၄ပေမှ ၄ပေခွဲ အတွင်း အရပ်ရှိရမည်။
၃။ ဒေါ်ညွှန့်မေ သုံးမတြာ အရပ် ၄ ပေခွဲမှ ၅ ပေအတွင်း အရပ်ရှိရမည်။
၎။ ဒေါ်ရင်မြ လေးမတြာ အရပ် ၅ ပေမှ ၅ပေခွဲအတွင်း အရပ်ရှိရမည်။
၅။ ဒေါ်သန်းသန်းမြင့် ငါးမတြာ အရပ် ၅ပေခွဲမှ ၆ပေအတွင်းအရပ်ရှိရမည်။
၆။ ဒေါ်စန်းစန်းဝင်း ခြောက်မတြာ အရပ် ၆ပေမှ ၆ပေခွဲအတွင်း အရပ်ရှိရမည် စသည်ဖြင့် နာမည်နှင့် အရပ် ဒြပ်ညီအောင် အမည်ပေးရမည် ဖြစ်၏။

၁။ အရပ်နှင့် နာမည် ဒြပ်ညီသော် ( ၀ါ ) နာမည်နှင့် အရပ် ညီညွတ်သော် လူတည်ကြည်ခြင်း၊ ကိုယ်ခန္ဓာချမ်းသာခြင်း၊ သက်သာစွာ လုပ်ကိုင်ရခြင်း ဖြစ်တတ်၏။

၂။ အရပ်ကရှည်၍ နာမည်ဒြပ်ညီသော် ( ၀ါ ) နာမည်နှင့် အရပ်မညီညွှတ်သော် လှုပ်ရှားမှုများခြင်း၊ ၀ီရိယလွန်ခြင်း၊ ကိုယ်ခန္ဓာပင်ပန်းခံရခြင်း၊ ပင်ပန်းစွာ လုပ်ကိုင်ရခြင်း ဖြစ်တတ်၏။

၃။ အရပ်ကတို၍ နာမည်ကရှည်သော် ( ၀ါ ) နာမည်နှင့် အရပ် မညီညွှတ်သော် စိတ်လှုပ်ရှားခြင်း၊ ၀ီရိယနည်းခြင်း၊ လူများစုကို နှစ်သက်ခြင်း၊ အနုပညာကို ၀ါသနာပါခြင်း ဖြစ်တတ်၏။

ထို့ကြောင့် အရပ်နှင့် နာမည် ဒြပ်ညီအောင် နာမည်ပေးသင့်သည်။

ရုပ်ရှင်အနုပညာ၊ သဘင်ပညာ၊ ပန်းချီ၊ ပန်းပု စသော အနုပညာ၊ စာပေးအနုပညာဖြင့် အသက်မွေးသူများကို အရပ်ထက် နာမည်က ရှည်အောင် ပေးမှ ( ၀ါ ) နာမည်ရှည်ရှည်ပေးမှ အနုပညာ၌ အကျိုးပေးကြာခြင်း ၊ ကျော်စောထင်ရှားခြင်း ဖြစ်သည်။

၅၁။ သကတ်ဆိုတာ ဘယ်ကလာ

သကတ်ဟူသည် တည်ငြိမ်မှု လှုပ်ရှားမှု အလုပ်အကိုင်ကိုပင် သကတ်ဟု ဆိုထားခြင်း ဖြစ်၏။
( ၁၊၃၊၇၊၈ ) နေအုပ်စုဖြစ်သော ပါပဂြိုဟ်များသည် စရကာလ လှုပ်ရှားမှုကို နှစ်သက်၏။
(၂၊၄၊၅၊၆ ) လ အုပ်စုဖြစ်သော သောမဂြိုဟ်များသည် ထိရဌာန တည်ငြိမ်မှုကို နှစ်သက်၏။

နာမည်ကို သကတ် စစ်သောအခါ -
နာမည် ၁ လုံးရှိလျှင် တစ်လုံး
နာမည် ၂ လုံးရှိလျှင် နှစ်လုံး
နာမည် ၃ လုံးရှိလျှင် သုံးလုံး
နာမည် ၄ လုံးရှိလျှင် လေးလုံး စစ်ဆေးရမည် ဖြစ်၏။
နာမည် အရင်းလုံးသည် ကိုယ်ခန္ဓာနှင့် သက်ဆိုင်၏။
နာမည် အဖျားလုံးသည် စိတ်ခန္ဓာနှင့် သက်ဆိုင်၏။

ဝါသနာပါခြင်း၊နှစ်သက်ခြင်း၊ ပျော်ပါးခြင်းသည် စိတ်မှဖြစ်ပေါ်လာရာ ဖြစ်သောကြောင့် စိတ်ဝင်စားသော အလုပ်၊ ၀ါသနာ ပါသောအလုပ်သည် ထင်ပေါ် ကျော်စောခြင်းကို ဖြစ်စေတတ်၏။
ထို့ကြောင့် နာမည်အဖျားလုံးကို အဓိကထား၍ စစ်ဆေးရမည် ဖြစ်၏။

နာမည်ကို သကတ်စစ်ဆေးပုံ

ရှေးဦးစွာ နာမည်ကို နံကောက်ပါ။ ရသောဂဏန်းကိုကြည့်၍ ပါပဂြိုဟ်ဖြစ်သည်။ သောမဂြိုဟ်ဖြစ်သည် ဝေဖန်၍ အောက်ဖော်ပြပါအတိုင်း ဟောပြောပါလေ။

၁။ ဦးစိုးတင့် ၃၊ ၇ ပါပအပေါင်း ပါပအမည်။
ဒေါ်အေးတင် ၁၊ ၇ ပါပအပေါင်း ပါပအမည် စသည့် ပါပဂြိုဟ်ချင်းတွဲသော အမည်များသည် လှုပ်ရှားသော အလုပ်၊ စက်မှုလက်မှုအလုပ်၊ စက်ဘက် အလုပ်၊ ဈေးသည် အလုပ်၊ ပွဲစားအလုပ်၊ အားကစားအလုပ် စသောအလုပ်မျိုးကို ၀ါသနာပါတတ်သည်။ ယင်း အလုပ်မျိုးနှင့် ကျော်စောနိုင်ပါသည်။

၂။ ဦးကျော်ဖေ ၂၊ ၅ သောမ အပေါင်း သောမအမည်။
ဒေါ်ဝင်းဟန် ၄၊ ၆ သောမအပေါင်း သောမအမည် စသည့် သောမဂြိုဟ်ချင်းတွဲသော အမည်များသည် တည်ငြိမ်သောအလုပ်၊ ဆေးတိုက်အလုပ်၊ ရုံးထိုင်အလုပ်၊ ပွဲရုံအလုပ်၊ ကုန်သည်အလုပ်မျိုးကို ၀ါသနာပါတတ်သည်။ယင်းအလုပ်မျိုးနှင့် ကျော်စောနိုင်ပါသည်။

၃. ဦးလှဌေး ၄၊၇ သောမပေါင်း ပါပမည်။
ဒေါ်ခင်စိန် ၂၊၃ သောမအပေါင်း လှုပ်ရှားသောအလုပ်၊ ပွဲစားအလုပ်၊ စက်မှုလက်မှုအလုပ်၊ အားကစားအလုပ် စသော အလုပ်မျိုး၌ အုပ်ချုပ်ရတတ်ပါသည်။ ယင်းအလုပ်မျိုးနှင့် ကျော်စောနိုင်ပါသည်။

၎။ ဦးတင်မောင် ၇၊၅ ပါပအပေါင်း သောမအမည်။
ဒေါ်အေးသိန်း ၁၊၆ ပါပအပေါင်း သောမအမည် စသည့် ပါပဂြိုဟ်နှင့် သောမဂြိုဟ်တွဲသော အမည်များသည် တည်ငြိမ်သောအလုပ်၊ ပညာပေးအလုပ်၊ အဖွဲ့အစည်းအလုပ်၊ အုပ်ချုပ်ရေးအလုပ်မျိုးကို ၀ါသနာပါတတ်ပါသည်။ ယင်းအလုပ်မျိုးနှင့် ကျော်စောနိုင်ပါသည်။


သကတ်သည် ဤနာမက္ခရဆန်း နာမည်အဟောကျမ်း၌ ဟောကွက်တစ်ကွက်ဖြစ်ဖြင့် ပါဝင်၏။ နာမည်ကိုကြားလျှင် အထက်ဖော်ပြပါ အမည်လေးမျိုးကို မှတ်သား၍ ပါပအပေါင်း ပါပအမည်၊ သောမအပေါင်း၊ ပါပအမည် ဖြစ်လျှင် လှုပ်ရှားသော အလုပ်ကို ၀ါသနာပါမည်။ လှုပ်ရှားသော အလုပ်မျိုးနှင့် ကျော်စာထင်ရှားမည်း တည်ငြိမ်သောအလုပ်ဖြစ်လျှင် ၀ါသနာမပါဘဲ လုပ်ကိုင်နေရသော အလုပ်မျိုးဖြစ်မည် ( ၀ါ ) စိတ်မ၀င်စားဘဲ ခေတ္တခဏ လုပ်ကိုင်နေရသော အလုပ်မျိုးဖြစ်သည် စ သည်ဖြင့် ဟောပြောနိုင်ပါသည်။
သောမအပေါင်း သောမအမည်၊ ပါပအပေါင်း သောမအမည်မျိုးဖြစ်လျှင် တည်ငြိမ်သောအလုပ်ကို ၀ါသနာပါမည်။ တည်ငြိမ်သော အလုပ်မျိုးနှင့် ကျော်စောထင်ရှားမည်။ လှုပ်ရှားသော အလုပ်ဖြစ်လျှင် ၀ါသနာမပါဘဲ လုပ်ကိုင်နေရသော အလုပ်မျိုးဖြစ်မည်။ ( ၀ါ ) စိတ်မ၀င်စားဘဲ ခေတ္တခဏ လုပ်ကိုင်နေရသော အလုပ်မျိုး ဖြစ်သည် စသည်ဖြင့် ဟောပြောနိုင်ပါသာည်။
ထို့ကြောင့် သကတ်မှန်သော အလုပ်သည် ထင်ရှားခြင်း အလုပ်မြဲခြင်း၊ ကျော်စောခြင်း ဖြစ်၏။ သကတ်မမှန်သော အလုပ်သည် စိတ်မ၀င်စားခြင်း၊ အလုပ်မမြဲခြင်း၊ မကျော်စောခြင်း ဖြစ်တတ်၏။

၅၂။ ဗျုပွတ်ကောင်းမှ ကျော်စောရ
ဗျုပ္ပတ်ဟူသည် နာမည်၏ အဓိပ္ပယ်ပင်ဖြစ်၏။ နာမည်၏ အဓိပ္ပာယ်သည် နာမည်များသလောက် အဓိပ္ပာယ်များ၏။
ဤနာမက္ခရဆန်း နာမည်အဟောကျမ်း၌ ဗျူပ္ပတ်သည် အရေးကြီးသော ဟောကွက်ဖြစ်၍ ဗျူပ္ပတ်ကောင်း၍ ဘုန်းတန်ခိုး ကြီးသလို ဗျူပ္ပတ် မကောင်းလျှင် ဇာတာပင်ကောင်းသောလည်း သြဇာပျက်တော့၏။

ဤနေရာ၌ စိတ်ဝင်စားဖွယ် ကောင်းလှ၏။ မှတ်သားဖွယ် ကောင်းလှ၏။
သြဘာနိမိတ်ထွန်းတဲ့ ဇမ္မူဒီပါ လက်ယာတောင်ကျွမ်းမှာ ဆင်ဗွေ၊ မြင်းဗွေ၊ နှုတ်ဗွေ သာလို့ဆိုးသည်ဟု ရှေးသူဟောင်းစကား ရှိခဲ့ပေ၏။ ဤသည်ပင်လျှင် ဗျုပ္ပတ်ကို ဆိုလိုကြောင်း ထင်ရှား၏။ အယူတော်မင်္ဂလာဦးနိုးသည် မင်းတရားကြီး၏ အမေးစကားကို ဖြေကြားရာ၌ -
ကျွန်တော်မျိုး မရှိသည့်နောက်ကာလ၌ သူရူးစကား၊ ကလေး၏စကား၊ သဘင်သည်၏စကားကို မှတ်သားရမည်ဟု လျောက်ထားခဲ့၏။ ဤသည်ပင်လျှင် ဗျုပ္ပတ်ပဲ မဟုတ်ပါလော။

ရှေးပညာရှင်အပေါင်းတို့ မှတ်သားရာဖြစ်သော “ နိမိတ်၊ တဘောင်၊ စနည်း၊ သိုက်” တို့သည်လည်း မြင်တွေ့ကြားသိရသော အဓိပ္ပာယ်ကို မှတ်သားဖတ်ကြားရသောကြောင့် ဗျုပ္ပတ်ဖြစ်ကြောင်း သိသာလှ၏။
ထို့ကြောင့် နာမည်တစ်လုံး၌ ဓာတ်အုပ်၍ ဗျုပ္ပတ်ချုပ်သည်ဟု ဆရာတော်ကြီး မိန့်မှာခဲ့၏။
နာမည်သည် မည်မျှပင်ကောင်းသည်ဟု ထင်မှတ်ရသောလည်း ( ၀ါ ) ကောင်းအောင် မှည့်သော်လည်း ဓာတ်ပျက်၍ ဗျုပ္ပတ် မကောင်းလျှင် အကျိုးပေးညံ့တော့၏။
နာမည်တိုင်း၌ ဓာတ်နှင့် ဗျုပ္ပတ်ကောင်းဖို့ အလွန်အရေးကြီးလှပေ၏။


ဗျုပ္ပတ်အမျိုးအစား
ဗျူပ္ပတ်သည် -
၁။ မှန်သော ဗျူပ္ပတ်
၂။ လွန်သော ဗျူပ္ပတ်
၃။ လိုသော ဗျူပ္ပတ်ဟူ၍ ၃ မျိုးရှိ၏။

၁။ မှန်သော ဗျုပ္ပတ်သည် ဘုန်းတန်ခိုးကြီးခြင်း၊ ကျော်စောထင်ရှားခြင်းကို ဖြစ်စေ၏။
၂။ လွန်သော ဗျုပ္ပတ်သည် အောင်မြင်မှုနည်းခြင်း၊ ဘေးဥပဒ်သင့်ခြင်းကို ဖြစ်စေ၏။
၃။ လိုသော ဗျုပ္ပတ်သည် ကျော်စောမှု မရှိခြင်း၊ ပင်ပန်းဆင်းရဲခြင်းကို ဖြစ်စေ၏။

နာမည်ကို ဗျူပ္ပတ်စစ်ဆေးရာ၌ ၀ဏ္ဏနှင့်ညှိ၍ စစ်ဆေးရမည် ဖြစ်၏။
အချို့သောအမည်များမှာ အဓိပ္ပာယ်တစ်မျိုးတည်း ရှိ၏။
အချို့သော အမည်မှားမှာအဓိပ္ပာယ်နှစ်မျိုးယူဆနိုင်၏
အဓိပ္ပာယ် ၂ မျိုးယူဆနိုင်သော အမည်များတွင် -
ဝဏ္ဏမှန်လျှင် ကောင်းသော အဓိပ္ပာယ်ကို ယူဆ၍ ၀ဏ္ဏပျက်လျှင် မကောင်းသော အဓိပ္ပယ်ကို ယူဆရမည်။

ဥပမာ။ ။ မောင်သန်းဝေကို ဗျုပ္ပတ်စစ်လျှင် ….အသားဖြူသော မောင်သန်းဝေသည် သိန်း၊ သန်း၊ ကုဋေ ချမ်းသာ၍ အခြံအရံ ပေါများဝေဆာခြင်း အဓိပ္ပာယ်ကို ယူရမည်ဖြစ်၏။

အသားညိုသော မောင်သန်းဝေသည် သမ်းဝေထိုင်းမှိုင်း၍ အပေါင်းအသင်း အခြွေအရံ ကင်းမဲ့ခြင်း အဓိပ္ပာယ်ကို ယူရမည်ဖြစ်၏။

ဤကဲသို့ ဗျုပ္ပတ်စစ်ဆေးဟောပြောရာ၌ ၀ဏ္ဏ အသားအရောင်နှင့် ညှိ၍ စစ်ဆေးရမည် ဖြစ်၏။ ၀ဏ္ဏမှန်လျှင်ကောင်းသော အဓိပ္ပာယ် ကောင်းသော သဘောကို ယူဆ ဟောပြောရမည်။ ၀ဏ္ဏပျက်လျှင် - မကောင်းသော အဓိပ္ပာယ်၊ မကောင်းသော သဘောကို ယူဆဟောပြောရမည်။ အဓိပ္ပာယ်တစ်မျိုးတည်းရှိသော အမည်များမှာ အဓိပ္ပာယ်ကို အပြန်ယူဆရမည်ဟု မှတ်ယူပါ။


၅၃။ မှန်သောဗျုပ္ပတ်

မှန်သော ဗျူပ္ပတ်ဟူသည် အသားအရောင်၊ ရုပ် ဆင်း သဏ္ဍာန်နှင့် နာမည်၏ အဓိပ္ပာယ် ညီညွှတ်မှုကို မှန်သော ဗျူပ္ပတ် ဟု ဆိုလိုရင်းဖြစ်သည်။

၁။ အသးဖြူ၍ အသံကောင်းသောသူကို မောင်သာယာဟုအမည်ပေးလျှင် မှန်သော ဗျူပ္ပတ် ဖြစ်၏။
မောင်သာယာသည် နာမည်ကျော်စောခြင်း၊ ချစ်ခင်သူပေါခြင်း၊ စီးပွါးဖြစ်ထွန်းခြင်း၊ အောင်မြင်မှုများခြင်း၊ ဘုန်းတန်ခိုး ကြီးခြင်းကို ဖြစ်စေတတ်၏။

၂။ အသားဖြူဝါ၍ ကြည်လင်သော မျက်နှာ ရှိသောသူကို မောင်ထိန်လင်းဟု အမည်ပေးလျှင် မှန်သော ဗျူပ္ပတ် ဖြစ်၏။ မောင်ထိန်လင်းသည် ပွင့်လင်းထင်ရှားခြင်း၊ ဘုန်းတန်ခိုးကြီးခြင်း၊ သြဇာထက်မြက်ခြင်း၊ အောင်မြင်မှုများခြင်းကို ဖြစ်စေတတ်၏။

၃။ အသားညို၍ ပြည့်ဖြိုးသော ကိုယ်ခန္ဓာရှိသောသူကို မောင်မြအောင်ဟု အမည်ပေးလျှင် မှန်သော ဗျူပ္ပတ် ဖြစ်၏။ မောင်မြအောင်သည် အေးမြချမ်းသာခြင်း၊ အောင်ြမင်မှုများခြင်း၊ ကျော်စောထင်ရှားခြင်းကို ဖြစ်စေတတ်၏။

၎။ အသားဖြူလတ်၍ ထွားကျိုင်းသန်မာသော သူကို အောင်အံ့ကျော်ဟုအမည်ပေးလျှင် မှန်သော ဗျူပ္ပတ် ဖြစ်၏။ မောင်အံ့ကျော်သည် အခက်အခဲပေါင်းကို ကျော်လွှားနိုင်ခြင်း၊ စွန့်စားမှုဖြင့် ကျော်စောထင်ရှားခြင်း၊ ဘုန်းတန်ခိုးကြီးခြင်း ကို ဖြစ်စေတတ်၏။

၅။ အသားဝါ၍ အရပ်မြင့်သောသူကို မောင်ဖုန်းမြင့်ဟု အမည်ပေးလျှင် မှန်သော ဗျူပ္ပတ် ဖြစ်၏။
မောင်ဖုန်းမြင့်သည် ဘုန်းတန်ခိုးကြီးခြင်း၊ မြင့်မားတင့်တယ်ခြင်း၊ အောင်မြင်မှုများခြင်း၊ သြဇာထက်မြက်ခြင်းကို ဖြစ်စေတတ်၏။ ဤကဲ့သို့ အသားအရောင်၊ ရုပ်ဆင်းသဏ္ဍာန်နှင့် အမည်ကို ကိုက်ညီအောင်ပေးခြင်းသည် ဗျူပ္ပတ်မှန်၊ ဗျူပ္ပတ်ကောင်းဟု မှတ်ပါ။

ကြွင်းကျန်သော အသားအရောင်၊ ရုပ်ဆင်းသဏ္ဍာန်များကိုလည်း နာမည်၏ အဓိပ္ပာယ်ကို ကိုက်ညီအောင် သတိဆောင်၍ မတိမ်းအောင် ကြံဆနိုင်ကြပါစေသော….။


၅၄။ လွန်သော ဗျူပ္ပတ်

လွန်သော ဗျူပ္ပတ်သည် အသားအရောင် ရုပ်ဆင်းသဏ္ဍာန်ထက်နာမည်၏ အဓိပ္ပာယ်က ပိုလွန်နေခြင်းကို ( ၀ါ ) မာတာပီတု အာစရိယဂိုဏ်း မလွတ်သော အမည်မျိုးကို လွန်သော ဗျူပ္ပတ်ဟု ဆိုလိုရင်းဖြစ်သည်။

၁။ အသားဖြူ၍ အရပ်ပုကွကွ ရှိသောသူကို မောင်မြင့်ကျော်ဟု အမည်ပေးလျှင် လွန်သော ဗျူပ္ပတ်ဖြစ်၏။ ဒြပ်ဂုဏ်တို့ဖြင့် မြင့်မားသော သူများကို ကျော်လွန်နိုင်ခြင်းဟု အဓိပ္ပာယ်ရ၏။ နာမည်၏ အဓိပ္ပာယ် ကောင်းသော်လည်း အသားအရောင် ၀ဏ္ဏပျက်ခြင်း၊ ရုပ်သဏ္ဌာန် အရပ်ပုကွကွ ရှိသောကြောင့် နာမည်ရှင်ထက် နာမည်၏ အဓိပ္ပာယ်က ပိုလွန်နေခြင်း ဖြစ်၏။

၂။ အသားညို၍ အရပ်ပုကွကွရှိသောသူကို မောင်ဖေမြင့်ဟု အမည်ပေးလျှင် လွန်သော ဗျူပ္ပတ် ဖြစ်၏။
မောင်ဖေမြင့်ဟူသော နာမည်၏ အဓိပ္ပာယ်သည် အများထက် မိမိက မြင့်မားခြင်း၊ တစ်နည်း အဖေထက် မိမိကမြင့်မား ခြင်းဟု အဓိပ္ပာယ်ရ၏။ အသားအရောင် ၀ဏ္ဏပျက်ခြင်း၊ မာတာပိတု ဂိုဏ်းမလွတ်ခြင်းတို့ကြောင့် နာမည်ရှင်ထက် နာမည်၏ အဓိပ္ပာယ်က ပိုလွန်မှားယွင်းနေခြင်းဖြစ်၏။
မောင်ဖေမြင့်သည် ကျော်ဇောထင်ရှားမှု နည်းခြင်း၊ သြဇာမဲ့ခြင်း၊ ဘေးဥပဒ်သင့်တတ်ခြင်း၊ စီးပွါးပျက်ပြားခြင်း ဖြစ်တတ်၏။

၃။ အသားဖြူ၍ ရုပ်အဆင်းသဏ္ဌာန် လှပသူကို ပီမိုးနင်းဟု အမည်ပေးလျှင် လွန်သော ဗျူပ္ပတ် ဖြစ်၏။
ပီ ချစ်ခင်မြတ်နိုးခြင်း မိုးနင်း အများအပေါ် မိုး၍ နင်းခြင်း၊ မိုးကောင်းကင်ကို နင်းခြင်းဟု အဓိပ္ပာယ်ရ၏။

အသားအရောင် ၀ဏ္ဏမှန်၍ ရုပ်ဆင်းသဏ္ဌာန် ညီညွှတ်သောလည်း နာမည်ရှင်ထက် နာမည်၏ အဓိပ္ပာယ်က ပိုလွန်နေသောကြောင့် ပီမိုးနင်းသည် ချစ်ခင်သူပေါများခြင်း၊ ကျော်စောထင်ရှားခြင်း၊ စီးပွားဖြစ်ထွန်းခြင်း၊ ဘေးဥပဒ်သင့်ခြင်း ဖြစ်တတ်၏ ( ၀ါ ) ခြေမှာ ဥပဒ်ပေးတတ်၏။

ဤကဲ့သို့ ….
အရပ်ပု၍ အသားမည်းသူ ညိုသူကို ထွန်းအောင်ကျော်၊ တိုင်းကျော်၊ အောင်ကျော်စိုး၊ တင်ဖေနိုင်ဦး၊ ပြည်ကျော်စိုး၊ ကမ္ဘာကျော်မို၊ ပေါ်ဌေးနိုင်သူ စသည်ဖြင့် မှည့်ခြင်း။
အရပ်ရှည်၍ အသားဖြူသူ၊ အသားဝါသူကို မောင်ငွေအိုး၊ မမိနိုင်၊ မိတူး၊ ကိုဝဲ၊ ကိုဝ ၊ ကိုညီပု၊ မောင်မင်းနိုင် စသည်ဖြင့် မှည့်ခြင်းသည် ၀ဏ္ဏပျက်ခြင်း၊ ဗျူပ္ပတ်လွန်ခြင်းတို့ကြောင့် နာမည်ရှင်ကို နာမည်က ဖိစီးထားသလိုဖြစ်၍ ကျော်စောမှု မရှိခြင်း ၊ စီးပွားရေး ပျက်ပြားခြင်း၊ ဘေးဥပဒ်သင့်တက်ခြင်း၊ အနှောင့်အယှက် များခြင်းကို ဖြစ်စေတတ်သည်။

၅၅။ လိုသော ဗျူပ္ပတ်
လိုသော ဗျူပ္ပတ် ဟူသည် အသားအရောင်၊ ရုပ်ဆင်းသဏ္ဌာန်နှင့် မညီညွတ်အောင် နိမ့်ကျလွန်းသော အမည်မျိုးကို လိုသော ဗျူပ္ပတ် ဟု ဆိုလိုရင်းဖြစ်သည်။

၁။ အရပ်ရှည်၍ အသားမည်းသူ၊ အသားညိုသူကို မခွေးမ ဟု အမည်ပေးလျှင် လိုသောဗျူပ္ပတ်ဖြစ်၏။
လူသည် ဣဋ္ဌဖြစ်၍ ခွေးမဟူသော အမည်သည် အနိဋ္ဌဖြစ်ခြင်း၊ ၀ဏ္ဏပျက်ခြင်းတို့ကြောင့်…….
မခွေးမသည် သြဇာမဲ့ခြင်း၊ ကျော်စော ထင်ရှားမှုမရှိခြင်း၊ ဆင်းရဲပင်ပန်းစွာ စီးပွားရှာရခြင်း ဖြစ်တတ်၏။

၂။ အရပ်ရှည်၍ အသးဝါသူ ၊ မသားဖြူသူကို မ၀က်မ ဟု အမည်ပေးလျှင် လိုသော ဗျူပ္ပတ် ဖြစ်၏။
လူသည် ဣဋ္ဌဖြစ်၍ ၀က်မဟူသော အမည်သည် အနိဋ္ဌဖြစ်ခြင်း၊ ၀ဏ္ဏပျက်ခြင်းတို့ကြောင့်….
မ၀က်မ သည် သြဇာမဲ့ခြင်း၊ ကျော်စောထင်ရှားမှု မရှိုခြင်း၊ ဆင်းရဲပင်ပန်းစွာ စီးပွားရှာရခြင်းကို ဖြစ်တတ်၏။

၃။ အရပ်ပု၍ အသားဖြူသူ ၊ အသားဝါသူကို ကိုကျွဲကြီးဟု အမည်ပေးလျှင် လိုသောဗျူပ္ပတ်ဖြစ်၏။
လူသည် ဣဋ္ဌဖြစ်၍ ကျွဲကြီးဟူသော အမည်သည် အနိဋ္ဌဖြစ်ခြင်း၊ ၀ဏ္ဏမှန်သော်လည်း ဗျူပ္ပတ်မှားခြင်းတို့ကြောင့်…..
ကျွဲသည် များသောအားဖြင့် အမည်းရောင်ဖြစ်၏
ကိုကျွဲကြီးသည် သြဇာမဲ့ခြင်း၊ ကျော်စောထင်ရှားမှုမရှိခြင်း၊ ကိုယ်ခန္ဓာ ငြိုငြင်ပင်ပန်းခြင်း ဖြစ်တတ်၏။

ဤကဲ့သို့ အရပ်ရှည်၍ အသားမည်းသူ၊ အသားညိုသူကို မဇီးကွက်၊ မဘုတ်ဆုံ၊ မကြွက်၊ ကိုသံလုံး၊ ကိုကျောက်ခဲ၊ ကိုပေါင်မုန့် စသည်ဖြင့် မှည့်ခြင်း၊
အရပ်ပု၍ အသားဖြူ၊ အသားဝါသူကို ကိုနံပြား၊ မငို၊ ကိုဝဲကျော်၊ မဆိတ်မ စသည်ဖြင့် မှည့်ခြင်းသည် လိုသော ဗျူပွတ်ဖြစ်၍ သြာဇာမဲ့ခြင်း၊ ကျော်ဇော ထင်ရှားမှုမရှိခြင်း၊ ကိုယ်ခန္ဓာ ငြိုငြင် ပင်ပန်းခြင်းကို ဖြစ်စေတတ်ပါသည်။