စနေသားသမီးများအတွက် နေ့စဉ်ကံကောင်းစေသောအချိန်များ

ဟန်ဆောင်မျက်နှာဖုံးအောက်က ချစ်ခြင်းမေတ္တာ

တစ်နေ့သ၌ ထိုင်းနိုင်ငံ-မဟာချိုင်နေ၀စ်ရှိ ကျွန်ုပ်၏ ဗေဒင်လက္ခဏာ ဟောခန်းအတွင်းသို့ အသက်အရွယ် အားဖြင့် (၃၃) နှစ်ခန့်ရှိသော အမျိုးသမီးတစ်ဦး ၀င်ရောက်လာလေ၏။ ထိုအမျိုးသမီး၏ မျက်လုံးများသည် ရဲရဲနီလျှက်ရှိပြီးသူမ၏ ခြေလှမ်းများသည် ယိမ်းယိုင်လျှက်ရှိလေ၏။ သူမသည် အခန်းတွင်းသို့ ၀င်ရောက်လာ သည့်အချိန်တွင် ကျွန်ုပ်၏ အခန်းတစ်ခုလုံး အရက်နံ့များ ထောင်းထောင်းထအောင် နံသွားလေ၏။ ကျွန်ုပ်သည် ၎င်းအမျိုးသမီးအား အကဲခတ်ကြည့်လိုက်လေရာ ထိုအမျိုးသမီးသည် အရက်များကို အလွန်အကျွံသောက်၍ လာကြောင်း သိရလေ၏။ အတော်လည်း မူးနေပုံရလေ၏။

ထိုအမျိုးသမီးသည် ကျွန်ုပ်၏ အခန်းတွင်းသို့ ၀င်ရောက်လာပြီးလျှင် စိတ်ပျက်လက်ပျက် ထိုင်လေ၏။ ထို့နောက် ကျွန်ုပ်အား ဗေဒင်ကြည့်ချင်တယ်ဟု လျှာလေးအားလေး ပြောလေတော့၏ ။ ထိုအခါ ကျွန်ုပ်က ဒီမှာ မိန်းကလေး မင်းက အတော်လေး မူးနေပု့ရတယ်။ အဲဒီတော့ မနက်ဖြန်မှ လာခဲ့ပါ။ အရက်မူးနေတော့ ဘယ်လို ဗေဒင်ကြည့်လို့ ရမလဲဟု ပြန်ပြောလိုက်လေလျှင် ၎င်းအမျိုးသမီးက...

ကန်တော့ဆရာ ကန်တော့။ ဆရာ့ကို ကျွန်မ ရှိခိုးပြီး တောင်းပန်ပါတယ်။ မရိုသေရာ ကျရင် ခွင့်လွှတ်ပါ။ ဒီအရက်ကို သောက်တာ ဒီနေ့ နောက်ဆုံးပါပဲ။ မနက်ဖြန်က စပြီး ကျွန်မ စိတ်သစ်လူသစ်နဲ့ ဘ၀သစ်ကို ပြန်စမှာပါ ဆရာ။ ဒါကြောင့် ဒီနေ့တစ်နေ့တော့ ကျွန်မ သောက်ဖြစ်သွားတယ်ဟု ကျွန်ုပ်အား ပြန်ပြောလေ၏။

ထိုအခါ ကျွန်ုပ်က “ ဘယ်လို ဖြစ်တာလဲ မိန်းကလေးရဲ့။ နည်းနည်းလောက်လည်း နားလည်အောင် ပြောပြပါဦးဟု ကျွန်ုပ်က ပြောလိုက်လေလျှင် ထိုအမျိုးသမီးက ကျွန်မ သိပ်စိတ်ညစ်လို့ပေါ့ ဆရာရဲ့။ ဘာကြောင့် စိတ်ညစ်တာလဲ ဆိုတော့ ကျွန်မ ယောက်ျားနဲ့ ပြန်ပေါင်းရမှာကို မလိုလားလို့ပေါ့။ ဘာကြောင့် ကျွန်မက ကျွန်မယောက်ျားကို ပြန်ပြီး မပေါင်းချင်တာလဲ ဆိုတာတော့ ကျွန်မလည်း ကောင်းကောင်း မသိဘူး။ အလိုလိုနေရင်နဲ့ကို မပေါင်းချင် တာ။

ကျွန်မယောက်ျားက မကောင်းလို့လား၊ ဆိုးလို့လား ဆိုတော့ အဲလိုလည်း မဟုတ်ဘူး။ သူများ ယောက်ျားတွေ ထက် တောင် ပိုတော်သေးတယ်။ အရမ်းလည်း ရိုးသားတယ်။ တည်ငြိမ်တယ်။ ပြီးတော့ ကျွန်မကိုလည်း သားမှတ်မှတ် မယားမှတ်မှတ် ပေါင်းသင်းပြီး လုပ်ကိုင် ကျွေးမွေးတယ်။ မကောင်းတာတွေဆိုလည်း သိပ်မလုပ်တတ်ဘူး။ ၀ါသနာ မပါဘူးဆရာ။ အဲဒီလောက် ကျွန်မအပေါ်ကောင်းတဲ့ ယောက်ျားကို မပေါင်းချင်လို့ ဆိုပြိး ကျွန်မ အိမ်ပေါ်က ဆင်းလာခဲ့တာ။ အခုဆို (၇)လလောက်ရှိပြီ ဆရာ။

ကျွန်မကိုယ်တိုင် ကျောခိုင်းလာခဲ့တဲ့ အဲဒီအိမ်ပေါ်ကို မနက်ဖြန်မှာ ကျွန်မကိုယ်တိုင် ပြန်တက်တော့မှာဆရာ။ ကျွန်မကိုယ်တိုင် ရက်ရက်စက်စက် ပစ်ထားခဲ့တဲ့ ကျွန်မယောက်ျားဆီကို ကျွန်မကိုယ်တိုင် လိုလိုချင်ချင်နဲ့ ပြန်သွားတော့မှာ။ ပြီးတော့ ကျွန်မယောက်ျားနဲ့ ကျွန်မ ဘ၀သစ်ကို စိတ်သစ်လူသစ်နဲ့ ပြန်စချင်တယ်။ ကျွန်မရဲ့ မကောင်းတဲ့ အကျင့်စရိုက်တွေကိုလည်း ဒီနေ့ နောက်ဆုံးထားပြီး ပြုပြင်သွားမယ်လို့ ဆုံးဖြတ်လိုက်တယ်ဟု ကျွန်ုပ်အား ပြောလေ၏။ ထိုအခါ ကျွန်ုပ်က....

မိန်းကလေးကိုယ်တိုင် လုံးဝမပေါင်းချင်တဲ့ ယောက်ျားတစ်ယောက်ကို ဘယ်လို စိတ်နဲ့ ပြန်ပေါင်းမှာလဲ။ နောက်ပြီး ဘယ်လိုကြောင့် အဲလို စိတ်တွေ ပြောင်းလဲ သွားတာလဲဟု ကျွန်ုပ်က မေးလိုက်လေလျှင် ထိုမိန်းကလေးက ....

အချစ်ပေါ့ဆရာ အချစ်ဖြစ်မယ်ထင်တာပဲ။ အချစ်ဆိုတဲ့ နေရာမှာ ကျွန်မက သူ့ကို ချစ်တဲ့ အချစ်မဟုတ်ဘူးနော်။ သူက ကျွန်မကို ချစ်တဲ့ အချစ်ကိုပြောတာ။ အချစ်ဆိုတာထက် မေတ္တာတရားလို့ ပြောရင် ပိုမှန်မလားတောင် မ မသိပါဘူး။ ကျွန်က ဆရာ့ကို ပြောသလို တော်တော်ကို ဆိုးခဲ့တာ။ အရင်တုန်းက ကျွန်မကို စိတ်နာရင် ပြီးရော ဆိုပြီး သူ့ကို တော်တော်လေး နစ်နစ်နာနာ ပြောပစ်ခဲ့ဘူးတာ။ မကြာခနဆိုသလိုလည်း ယောက်ျားယူတော့ မယ်လို့ ပြောခဲ့တာ။ ဘယ်လောက်ပဲ ပြောပြော သူက ကျွန်မကို စိတ်မနာခဲ့ဘူး၊ စိတ်မဆိုးခဲ့ ဘူး ဆရာ။ ကျွန်မကိုလည်း အတင်းအကြပ်ကြီး ပြန်ခေါ်တာ မဟုတ်ဘူး။ ပြန်လာချင်စိတ်လေး နည်းနည်းလောက် ပေါ်လာရင် အချိန်မရွေး ပြန်လာခဲ့တဲ့။ သူစောင့်နေတယ်လို့ပဲ ပြောတယ်ဆရာ။

အဲဒီတော့ ကျွန်မက သူကို မေးလိုက်တယ်။ ငါက ဒီလောက်ဆိုးတာ။ ငါကို ဘာလို့ စောင့်နေတာလဲလို့ မေးလိုက်တော့ ငါက နင့်ကို ချစ်တာကိုးလို့ ပြန်ပြောတယ်။ ငါက နင့်ကို ချစ်တော့ နင်ဆိုးတာတွေ နင်မကောင်းတာတွေ ဘာမှကို အပြစ်မမြင်တော့ဘူးတဲ့။ ဘာပဲဖြစ်နေဖြစ်နေ ဒီဘ၀မှာ နင်တစ်ယောက်တည်း ကိုပဲ အမြဲ စောင့်နေမှာလို့ ပြန်ပြောတယ်လေ။

သူက ကိုယ့်အပေါ် အဲဒီလောက် စိတ်ရှည်ပြီး ကောင်းလာတာကို မြင်ရတော့ ကျွန်မ စိတ်တွေ တဖြည်းဖြည်း ပြောင်းလာခဲ့တယ်။ သူနဲ့ လက်တွဲပြီး ဘ၀ကို ကောင်းကောင်းမွန်မွန် ဖြတ်သန်းချင်စိတ်တွေ ပေါ်လာတယ်။ အဲဒီနောက် အခုလို စိတ်ထင်တိုင်း ရှောက်သွား ရှောက်လုပ်နေတာ တွေကိုလည်း သိပ်ပြီး စိတ်မပါတော့ဘူး။ ဒါကြောင့် ကျွန်မ သူ့ကို ဖုံးဆက်လိုက်တယ်။ ငါပြန်လာတော့မယ်လို့။ ကျွန်မ သိလိုက်ပါတယ်။ သူ သိပ်ပျော်သွားမယ်ဆိုတာ။ မနက်ဖြန် သူလာကြိုမယ်တဲ့ဟု ပြောလေ၏။

ကောင်းပါတယ်။ ဘယ်လိုပဲ ဖြစ်ဖြစ် မိန်းကလေး ဆုံးဖြတ်ချက် မှန်ပါတယ်။ လူတစ်ယောက်က ကိုယ့်အပေါ် ဒီလောက် ကောင်းနေတယ်ဆိုရင် ကိုယ်ကလည်း သူ့အပေါ် သူ့လောက် မဟုတ်ရင်တောင်မှ အနည်းအကျဉ်း တော့ ပြန်ကောင်းသင့်တယ် မဟုတ်လား။ ကျွန်တော် အားပေးပါတယ်။ လိုအပ်တဲ့ အကူအညီရှိရင် အချိန်မရွေး ပြန်လာခဲ့ပါဗျာ။ ကျွန်တော် တတ်နိုင်သလောက် ကူညီပေးပါ့မယ်ဟု ပြန်လည် အားပေးလိုက်မိလေ၏။ ထို့နောက် သူမသည် ကျွန်ုပ်အား နှုတ်ဆက်လျှက် ပြန်သွားလေ၏။ ထိုမိန်းကလေး၏ ကျော်ပြင်ကို ငေးကြည့်မိရင်း မိန်းကလေးရေ မင်းးရဲ့ ဘ၀သစ်ကို စိတ်သစ်လူသစ် ခွန်အားသစ်နဲ့ ပြန်လည် စတင်နိုင်ပါစေလို့ ဆုတောင်းပါတယ်ဟု ရင်ထဲမှ တိုးတိုးလေး ဆုတောင်းပေးလိုက်မိလေတော့၏။

ထိုကဲ့သို့ နေထိုင်လာခဲ့ရာမှ (၃) လခန့်အကြာတွင် ကျွန်ုပ်၏ အခန်းတွင်းသို့ အရက်မူးနေသော မိန်းကလေးတစ်ဦး ၀င်ရောက်လာလေ၏။ ထိုမိန်းကလေးကို မြင်လိုက်သော အခိုက်အတန့် တွင် ကျွန်ုပ်သည် အံ့သြမှင်သက်မိသွား၏။ အရင်တစ်ခါတုန်းက ဘ၀သစ်ကို စိတ်သစ်လူသစ်နဲ့ ပြန်လည် စတင်မည်ဟု ကျွန်ုပ်၏ အခန်းထဲတွင် ပြောဆိုခဲ့သော ထိုမိန်းကလေးပင် ဖြစ်လေ၏။ အရင်တစ်ခါလည်း မူးလာ၍ ယခုတစ်ခါလည်း အရက် မူးလာပြန်လေ၏။ ထိုမိန်းကလေးအား ကျွန်ုပ်က....

ဘယ်လို ဖြစ်လာပြန်တာလဲ မိန်းကလေး.....
မင်းပြောတော့ မကောင်းတာတွေ အားလုံးကို စွန့်လွှတ်ပြီး စိတ်သစ်လူသစ်နဲ့ ဘ၀သစ်ကို ပြန်စတော့မယ်ဆိုပြီး ငါ့ကို ပြောသွားခဲ့တယ်လေ။ မေ့သွားပြီလား။ အခုထိ ဘာမှ မပြောင်းလဲသေးပါလားဟု ကျွန်ုပ်က ပြောလိုက်လေလျှင် ထိုမိန်းကလေးက...

လူတွေ အတော်ရက်စက်တယ် ဆရာ။ ကိုယ်ရဲ့ အမူအကျင့်တွေ မကောင်းမှန်းသိလို့ ပြန်ပြုပြင်မယ့် လူသားတစ်ဦးကို ပြန်လည် ပြုပြင်ခွင့်မပေးကြဘူး။ မြေနိမ့်ရာ လှံစိုက်။ ရေနစ်သူ ၀ါးကူလို့ ထိုးဆိုသလိုပါပဲ။ ကျွန်မ အပေါ် အရမ်းကောင်းပါတယ်လို့ ထင်ထားခဲ့တဲ့ ကျွန်မယောက်ျားကလည်း မကောင်းပါဘူး။ ကျွန်မ မသိလိုက်တာ တစ်ခုက သူက ကျွန်မကို ပြန်ပြီး လက်ခံခဲ့တယ်ဆိုတာကလည်း ကျွန်မအပေါ်ကို အရမ်းချစ်လို့ ၊ သူက အရမ်း စိတ်သဘောထား ကောင်းနေလို့ မဟုတ်ဘူး။ တမင်သက်သက် ကျွန်မကို အချိုသတ်တာ ဆရာ။ ကျွန်မကိုလည်း ပြန်ရပြီလည်း ဆိုရော နှိပ်စက်လိုက်တာ နှိပ်စက်လိုက်တာ ဆရာရယ်။ မပြောပါနဲ့တော့။ အရင်တုန်းက ကျွန်မ ဆိုးခဲ့တာတွေကို တစ်ခုချင်း ပြန်ပြန်ပြောပြိး ကျွန်မကို နှိပ်စက်လိုက်တာ။ ကျွန်မ တစ်ကိုယ်လုံးလည်း ရစရာကို မရှိတော့ပါဘူး။

ဒါကြောင့် ကျွန်မ သိလိုက်ပါပြီ ဆရာ။ ကျွန်မလေ ဘယ်တော့မှ ကျွန်မကိုကျွန်မ ပြုပြင်ဖို့ မကျိုးစားတော့ပါဘူး။ လူ့ဘ၀ကြီးမှာ အသက်ရှင်သန်နေသရွေ့ ကျွန်မ အကျလေးအတိုင်းပဲ နေတော့မယ်လို့ ဆုံးဖြတ်လိုက်ပြီ ဆရာရေဟု ကျွန်ုပ်အား ပြောဆိုနှုတ်ဆက်ကာ ဒယီးဒယိုင် ခြေလှမ်းများဖြင့် ကျွန်ုပ်၏ ဗေဒင်ဟောခန်းအတွင်းမှ ပြန်သွားလေတော့သတည်း။

စနေသားသမီးများအတွက် နေ့စဉ်ကံကောင်းစေသောအချိန်များ

	ကံအမြင့်ဆုံးအချိန်	ညနေ(၃း၀၀)မှ(၄း၃၀)တွင်း
တနင်္ဂနွေနေ့	ဒုတိယကံမြင့်ချိန်	နံက်(၇း၃၀)မှ(၉း၀၀)အတွင်း
	တတိယကံမြင့်ချိန်	နံက်(၁၀း၃၀)မှ(၁၂း၀၀)တွင်း
	ကံအမြင့်ဆုံးအချိန်	နံက်(၁၀း၃၀)မှ(၁၂း၀၀)တွင်း
တနင်္လာနေ့	ဒုတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	တတိယကံမြင့်ချိန်	နံက်(၆း၀၀)မှ(၇း၃၀)အတွင်း
	ကံအမြင့်ဆုံးအချိန်	ညနေ(၃း၀၀)မှ(၄း၃၀)တွင်းညနေ(၃း၀၀)မှ(၇း၀၀)တွင်း
အင်္ဂါနေ့	ဒုတိယကံမြင့်ချိန်	နံက်(၉း၀၀)မှ(၁၀း၃၀)အတွင်း
	တတိယကံမြင့်ချိန်	မွန်းတည့်(၁၂း၀၀)မှ(၁း၃၀)အတွင်း
	ကံအမြင့်ဆုံးအချိန်	မွန်းတည့်(၁၂း၀၀)မှ(၁း၃၀)အတွင်း
ဗုဒ္ဓဟူးနေ့	ဒုတိယကံမြင့်ချိန်	ညနေ(၃း၀၀)မှ(၄း၃၀)တွင်း
	တတိယကံမြင့်ချိန်	နံက်(၇း၃၀)မှ(၉း၀၀)အတွင်း
့	ကံအမြင့်ဆုံးအချိန်	နံက်(၇း၃၀)မှ(၉း၀၀)အတွင်း
ကြာသပတေးနေ	ဒုတိယကံမြင့်ချိန်	နံက်(၁၀း၃၀)မှ(၁၂း၀၀)တွင်း
့	တတိယကံမြင့်ချိန်	မွန်းလွဲ(၁း၃၀)မှ(၃း၀၀)တွင်း
	ကံအမြင့်ဆုံးအချိန်	မွန်းလွဲ(၁း၃၀)မှ(၃း၀၀)တွင်း
သောကြာနေ့	ဒုတိယကံမြင့်ချိန်	နံက်(၆း၀၀)မှ(၇း၃၀)အတွင်းညနေ(၃း၀၀)မှ(၇း၀၀)တွင်း
	တတိယကံမြင့်ချိန်	နံက်(၉း၀၀)မှ(၁၀း၃၀)အတွင်း
	ကံအမြင့်ဆုံးအချိန်	နံက်(၉း၀၀)မှ(၁၀း၃၀)အတွင်း
စနေနေ့	ဒုတိယကံမြင့်ချိန်	မွန်းတည့်(၁၂း၀၀)မှ(၁း၃၀)အတွင်း
	တတိယကံမြင့်ချိန်	ညနေ(၃း၀၀)မှ(၄း၃၀)တွင်း